Fimmtudagur 6. október, 2022
6.8 C
Reykjavik

Edda Björgvins brjáluð: „Hvað í andsk […] Það vill svo til að ég VEIT um öll bréfin“

Helgarviðtalið

- Auglýsing -

Orðrómur

- Auglýsing -

„Hvað í andsk…. á það að þýða að koma svona fram við okkar elsta og viðkvæmasta fólk!!!!??’???“

Þannig hefst mikill reiðilestur stórleikkonunnar, Eddu Björgvinsdóttir á samfélagsmiðlum. Edda réð sig til starfa á hjúkrunarheimilinu Lundur á Hellu á síðasta ári til að láta gott af sér leiða í faraldrinum og eins til að geta verið nær föður sínum. Lundur er einstakt kærleiksheimili að mati leikkonunnar.En nú er hætta á ferðum og stefnir í að loka verði heimilinu vegna Sjúkratrygginga Íslands. Margrét Ýrr Sigurgeirsdóttir sem stýrir heimilinu á Hellu segir heimilið aldrei hafa verið jafn illa sett fjárhagslega og bætti við:

„Ég er sjálf búin á því.“

Margrét hefur neyðst til að segja upp fólki þar sem Sjúkratryggingar draga lappirnar. Gæti farið svo að hún þyrfti að skila lyklunum og loka. Það sýður á Eddu sem er afar ósátt við að ekki sé hugsað betur til heldra fólks á Íslandi. Þá sakar hún forstjóra sjúkratrygginga um að fara með fleipur. Þá sé það kjaftæði að gögn vanti en stofnunin velji að hundsa tölvupósta og önnur erindi svo heimilið er í hættu.

„Hvernig voga æðstu valdamenn og konur hjá Sjúkratryggingum Íslands að hundsa öll erindi frá þessum hjúkrunarheimilum? Það vill svo til að ég VEIT um öll bréfin og fyrirspurnirnar frá þessu tiltekna hjúkrunarheimili á Hellu – fyrirspurnir um stöðu á leiðréttingu svika Sjúkratrygginga Íslands, alveg frá því í janúar í fyrra. Erindum sem er enn ósvarað. Í rúmt ár!“

Þá segir hún Sjúkratryggingar ekki svara fyrirspurnum. Þögnin sé algjör. Edda segir:

„Og svo þóttafull vörn þegar fjölmiðlar loksins upplýsa um ruddaskap þessarar opinberu stofnunar:

„Við höfum ekki fengið öll gögn … blablabla.“

- Auglýsing -

Hvaða gögn vantar? Frá hverjum? Er ofverk stjórnenda Sjúkratrygginga Íslands að svara þeim sem eru í forsvari fyrir hjúkrunarheimilin? Er það til of mikil mælst?“

Edda spyr einnig hvað stjórnendur sjúkratrygginga ætli að pína hjúkrunarheimilin lengi.

„Hvað á að neyða stjórnendur þessara heimila til að segja upp mörgum starfsmönnum?

- Auglýsing -

Hvenær er gamla fólkið okkar hreinlega í hættu vegna þess að það er ekki hægt að greiða hjúkrunarfólki laun?“ spyr Edda og lýkur sínum reiðilestri svona:

„Ég er brjáluð!“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -