Mánudagur 26. september, 2022
8.1 C
Reykjavik

Ég tókst á við sambandsslitin á kolrangan hátt

Helgarviðtalið

- Auglýsing -

Orðrómur

- Auglýsing -

Eftir / Sigurð Sólmundarson, öðru nafni Siggi Sól eða bara Costco-gaurinn

2020, ár hinna miklu öfga í mínu lífi. Árið byrjaði vel með tveimur utanlandsferðum, til Frakklands og Belgíu annars vegar og svo til Noregs að skemmta hins vegar. Í apríl festi ég kaup á sælureit í Ölfusi og hef með hjálp góðra manna dundað við að klára það eins og efni og aðstæður gefa tilefni til

Í vor útskrifuðust eldri börnin mín. Sólmundur úr framhaldsskóla og Snæa úr grunnskóla. Sumarið var mjög gott, mikið að gera í vinnu og ég náði að gera viðbygginguna af kotinu fokhelda fyrir veturinn.

Gremja og reiði

Haustið skall á með offorsi og ég glímdi við erfið sambandsslit en ég tel ekki ástæðu til að rekja þau frekar á þessum vettvangi.

Um þau hef ég eitt að segja. Ég tókst á við sambandsslitin á kolrangan hátt. Ég lét gremju og reiði taka völdin. Þá valdi ég illu heilli að halla mér að áfengi og öðrum óþverra.

Ég vaknaði svo seint í nóvember upp við það að áfengið var farið að stjórna öllu mínu lífi. Þegar ég horfði í spegil sá ég aumingja sem var að kafna úr sjálfsvorkunn.

- Auglýsing -

Við þetta var auðvitað ekki hægt að una!

Eiga skilið að fá Sigga litla Sól

Ég tók þá ákvörðun um að verða að þeim Sigga litla Sól sem fjölskylda, vinir og ekki síst ég sjálfur, eiga skilið að ég sé. Þetta hefur gengið eins og í sögu.

Ég finn að ég eflist með hverjum deginum

Ekki skemmdi fyrir að ég fékk langþráðar slysabætur í lok árs sem gera líf mitt svo miklu auðveldara að öllu leyti, engar afborganir af húsnæði gera hlutina talsvert auðveldari.

Hamingja og bjartsýni.

- Auglýsing -

Skrokkurinn mætti svo sannarlega vera betri en það er verkefni sem ég helli mér út í núna allsgáður og tussugóður.

Ég hef sannast sagna aldrei verið jafn hamingjusamur og síðasta rúma mánuð og ástæða til bjartsýni fyrir komandi ári er ærin.

Ég óska ykkur öllum gleðilegs nýs árs og allrar heimsins hamingju.

Höfundur er fjöllistamaður, leikari, skemmtikraftur og gleðigjafi.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -