Föstudagur 7. október, 2022
3.8 C
Reykjavik

Einar hjólar í Egil Helgason – „Ha? Í alvörunni? Vá, hvað fólk er orðið skrítið í hausnum,“

Helgarviðtalið

- Auglýsing -

Orðrómur

- Auglýsing -

Einar Steingrímsson, prófessor í stærðfræði, furðar sig á umræðu í þættinum Silfri Egils í morgun þar sem hann telur Egils Helgason sjónvarpsmann hafa hvatt til þess að almenningur verði oftar dæmdur fyrir tjáningu sína á samfélagsmiðlum.

Einar stofnar til umræðu inn á spjallsvæði Pírata á Facebook. Þar segir hann:

„Fína fólkið vill fá að hirta pöpulinn fyrir að tjá ljótar og vondar hugsanir. Sjónvarpsmaður með heilan þátt til að stjórna samfélagsumræðunni telur að það þurfi að dæma fleira fólk sem er ekki nógu pent í umræðunni að hans mati. Og héraðsdómari, sem ætti alls ekki að tjá sig um slík mál nema í vel rökstuddum dómum, tekur undir:

Egill Helgason: „En er ekki bara málið að það þurfi að láta reyna meira á hlutina fyrir dómstólum? Þarf bara að dæma fleira fólk fyrir ónot, óþverra og hatur á samfélagsmiðlum?“

Halldóra Þorsteinsdóttir héraðsdómari: „Jú, jú, …, já …“

Ekki er langt síðan Einar birti færslu sína og nú þegar eru hafnar líflegar umræður undir þræðinum. Eins og gefur að skilja koma þar fram ólíkar skoðanir. Gunnar Smári Egilsson, forsprakki Sósíalistaflokksins, skilur ekkert í þessu. „Ha? Í alvörunni? Vá, hvað fólk er orðið skrítið í hausnum,“ segir Gunnar Smári.

Gunnar Smári Egilsson
- Auglýsing -

Hannes veit alveg hver skýringin er. „Auðvitað vill aðallinn geta rottað sig í friði gegn public-num. Þetta telst líklega hatursumræða að þeirra mati,“ segir Hannes.

Kristín Reynisdóttir er ein þeirra sem telur að taka þurfi betur á óviðunandi ummælum sem falla á samfélagsmiðlum. „Finnst ykkur í alvörunni í lagi hvernig fólk talar stundum t.d. á kommentakerfunum? Hótar öðrum lífláti og níður niður fólk, lygur upp á það osfrv Ég veit ekki hvaða leið er best til að vinna gegn þessu og halda í málfrelsið en mér finnst þetta ekki geta haldið svona „átölulaust“ áfram,“ segir Kristín.

Og Stefán Sigfinnsson er sammála. „Sammála Agli. Umræðuhefðin á Íslandi er hálf ónýt,“ segir Stefán.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -