Á morgun mun þjálfari karlalandsliðs Íslands í knattspyrnu, Arnar Þór Viðarsson, tilkynna landsliðshópinn fyrir leiki sem fram fara síðar í þessum mánuði.
Íslendingar mæta Venesúela í vináttulandsleik, sem fram fer í Austurríki, eftir viku.
Aðeins 5 dögum síðar mætir íslenska karlalandsliðið Albaníu í lokaleik sínum í Þjóðadeildinni.
Samkvæmt heimildum Mannlífs er vel hugsanlegur sá möguleiki að fyrrum fyrirliðinn, Aron Einar Gunnarsson, muni á nýjan leik spila fyrir hönd þjóðarinnar.
Nú er nokkuð um liðið síðan ríkissaksóknari tilkynnti um niðurfellingu á rannsókn á meintu nauðgunarmáli hans og fyrrum landsliðsmannsins Eggerti Gunnþóri Jónssyni.
Ljóst er samkvæmt þeirri niðurstöðu að Aron Einar hefur verið hreinsaður af ákærunni og í raun ekkert sem segir að það sé eitthvað óeðlilegt að hann verði valinn í hópinn á nýjan leik – en Aron Einar hefur ekkert leikið með landsliðinu síðan í júní á síðasta ári.
Sem fótboltamaður er Aron Einar enn í fullu fjöri, og á enn töluvert inni þrátt fyrir langan feril.