Ekki hægt að treysta alfarið á yfirvöld – „Við verðum að sýna ábyrgð“

Deila

- Auglýsing -

„Það er mikilvægt að hver og einn sýni ábyrgð,“ sagði Víðir Reynisson yfirlögregluþjónn á upplýsingafundi almannavarna nú síðdegis þegar hann var spurður út í hvort hann hefði áhyggjur af þeim stóru hópum sem komu saman víða um land í gær í tilefni af þjóðhátíðardeginum.

Víðir viðurkenndi að þetta hefði verið rætt á fundi lögreglunnar í morgun og minnti á að enn þá eru fjöldamörk á samkomum og ekki af ástæðulausu.

Víðir sagði ekki hægt að treysta á að yfirvöld séu alltaf til staðar til að passa upp á fjölda. „Við verðum að sýna ábyrgð,“ sagði hann og bað fólk um að gleyma sér ekki þó að samkomutakmarkanir hafi verið rýmkaðar í vikunni, úr 200 í 500.

Hann biður fólk um að vera áfram vakandi fyrir umhverfi sínu og spyrja sjálft sig hvort það ætli að bætast í fjölmennan hóp fólks ef það kemst hjá því.

„Þetta sumar er öðruvísi og verður öðruvísi,“ sagði Víðir í lok fundar.

- Advertisement -

Athugasemdir