Elín syrgir Bjarna son sinn sem var aðeins tvítugur: „Fann loks friðinn sem hann þráði svo heitt“

Efnisorð

Deila

- Auglýsing -

Bjarni Guðmundsson var ekki nema rétt liðlega tvítugur þegar hann féll frá. Móðir hans er full gremju og biturð, nú þremur árum eftir andlátið, sökum þess að hann fékk ekki þá hjálp sem hefði getað bjargað lífi hans. Bjarni skildi eftir sig einn son.

Þetta kemur fram í færslu góðgerðarsamtakanna Það er von en þau berjast gegn vímuefnum með áherslu á að fíklar geti náð bata. Bjarni leitaði í faðm fíkniefna á stuttri ævi sinni en hann var fæddur 1. júlí 1996 og lést 1. apríl 2017. „Lífinu hans elsku besta Bjarna míns sem hann hafði glímt við síðustu árin lauk með ósigri. Hann fann loks friðinn sem hann þráði svo heitt að hann leitaði hans jafnvel í faðmi fíkniefna.
Hann hafði verið að glíma við sjúkdóminn frá 14 ára aldri,“ segir Elín, móðir Bjarna, og bætir við:

„Ég sem mamma hans fyllist gremju og biturð gagnvart örlögunum, heiminum og lífinu þegar hann hefði átt að eiga framtíðina fyrir sér falla frá með þessum hætti. Hann fékk ekki hjálpina sem hefði getað bjargað lífi hans. Félagsþjónustan í Reykjavík baðst afsökunar á að hafa brugðist honum en það bætir ekki sorgina og sárin.“

Blessuð sé minning Bjarna. F. 1.7.1996. D. 1.4.2017.

Halldóra Sjöfn Róbertsdóttir ritaði fallega minningar um Bjarna frænda sinn. Hann var með ýmsar greiningar á bakinu en samt svo áhugasamur um ótrúlega marga hluti. „Þegar ég hitti hann horfði hann í augun á mér og tók utan um mig og sagði mér hversu vænt honum þætti um mig. Þetta gerði hann í síðasta skiptið þegar ég hitti hann óvænt tveimur dögum fyrir andlát hans. Bjarni hringdi oft í mig og talaði þá stundum um hvað lífið væri erfitt. Hann var opinn við mig og hreinskilinn um líf sitt. Hann talaði líka oft um móður sína og hvað honum þætti erfitt og leiðinlegt að valda henni svona miklum erfiðleikum. En nú er þessi myndarlegi og fallegi frændi minn, með dökka hárið og fallegu augun sín, fallinn frá þegar líf hans ætti að vera að byrja,“ sagði Halldóra.

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 
- Auglýsing -

Orðrómur

Helgarviðtalið

Lestu meira

Nýtt í dag

Í fréttum er þetta helst...

Mest lesið í vikunni

- Auglýsing -