Miðvikudagur 27. mars, 2024
0.8 C
Reykjavik

Lögregla vildi þvinga Elísabetu í skimun: „Mér hefur verið hótað og ég held ég geti ekki verið hér“

VefTv

- Auglýsing -

Hlaðvörp

- Auglýsing -

Elísabet Guðmundsdóttir, lýtalæknir og aktívisti gegn ströngum sóttvarnaráðstöfunum, lenti í lögreglunni í gær við komuna til landsins frá Danmörku. Hún birti myndbönd af því á Facebook þar sem hún neitaði að fara í sýnatöku og annað myndband síðar um kvöldið þar sem hún segir grátandi frá því að hún neyðist nú til að yfirgefa Ísland með börnin sín.

Elísabet hefur ítrekað gagnrýnt sóttvarnaraðgerðir íslenskra yfirvalda á opinberum vettvangi. Samkvæmt RÚV gekk ekki þrautalaust fyrir hana að komast í gegnum Leifstöð eftir að hafa neitað sýnatöku. Fyrstu fregnir hermdu að hún hefði verið handtekin en Vísir greinir frá því að hún hafi þess í stað verið látin dúsa lengi á bekk en lögreglan hafi á endanum hleypt henni í gegn án skimunar. Svo virðist sem hún hafi heldur ekki hlýtt sóttvarnarreglum hvað sóttkví varðar því hún á einnig að hafa mætt til mótmæla í dag á Austurvelli þar sem sóttvarnaraðgerðum hérlendis var mótmælt.

Elísabet segir komuna til landsins hafa verið hrylling. Hún lýsti raunum sínum í meðfylgjandi myndbandi hér að neðan:

„Ég er komin heim, það tók mig nokkra klukkutíma að komast heim. Ég náði að segja halló við krakkana mína og þau héldu lego-gjöfunum sem ég keypti í Danmörku. Ég var svo full af von og gleði eftir að hafa hitta þúsundir vina minna í Danmörku sem berjast fyrir frelsi okkar allra. Mér hefur verið hótað og ég held að ég geti því miður ekki verið hér. Ég mun líklega reyna að fara tilbaka með börnin mín,“ segir Elísabet gráti næst í myndbandinu, þar sem hún var stödd á Álftanesi í gærkvöldi.

Fréttin hefur verið uppfærð. 

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -