2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Eliza Reid ýtir herferð Ljósavina úr vör

Eliza Reid forsetafrú mun ýta herferðinni Ljósavinir úr vör í dag en herferðinni er ætlað að vekja athygli á mikilvægi Ljóssins og fjárþörfinni til að hægt sé að halda starfseminni gangandi.

 

Ljósið er endurhæfingar- og stuðningsmiðstöð fyrir þá sem greinst hafa með krabbamein og aðstandendur þeirra. Hundruð einstaklinga leita til Ljóssins í hverjum mánuði. Ljósið er ekki á fjárlögum frá ríkinu og þarf að reiða sig á góðvild almennings, félagasamtaka og fyrirtækja.

Lífslíkur þeirra sem greinst hafa með krabbamein eru að aukast. Markmið Ljóssins er að fólk í þessum sporum og aðstanendur þeirra fái sérhæfða endurhæfingu- og stuðning, þar sem fagfólk aðstoðar við að byggja upp líkamlegt, andlegt og félagslegt þrek, auk þess að fá stuðning við að setja sér markmið sem auka daglega virkni og hafa þannig áhrif á lífsgæði almennt.

„Það er ekkert í lífinu sem býr þig undir það að greinast með krabbamein. Ljósið veitir hins vegar von,“ segir Erna Magnúsdóttir, stofnandi Ljóssins. „Ljósið er grasrótarstarf sem frá upphafi hefur treyst á styrki frá velunnurum. Nú eigum við góðan hóp af Ljósavinum sem styrkja starfið en við þurfum á fleirum að halda til þess að svara þeirri miklu þörf sem er á endurhæfingu eftir krabbmeinsgreiningu.

AUGLÝSING


Með því að styrkja Ljósið hjálpar þú okkur að hjálpa öðrum. Draumurinn er að eignast tvö þúsund nýja Ljósavini sem taka þátt í að veita þeim sem greinst hafa með krabbamein og aðstandendum þeirra von, gleði og styrk.“

Herferðinni Ljósavinir verður ýtt úr vör í húsnæði Ljóssins, Langholtsvegi 43, í dag, miðvikudaginn 8. maí, klukkan 15:30.

Hægt er að gerast Ljósavinur á vefslóðinni www.ljosid.is/ljosavinur

Ekki missa af þessum

Annað áhugavert efni

Nýjast á Mannlíf.is