- Auglýsing -
Jarðskjálftahrinan sem hófst við Keili í lok september hefur verið ansi þrálát. Alls hafa 11.000 skjálftar mælst á svæðinu – þar af 19 skjálftar 3,0 eða stærri að stærð; sá stærstimældist 4,2 í byrjun október.
Undanfarið hefur verið nokkuð stöðug smáskjálfta virkni á umræddu svæði; hafa mælst á milli 100 til 200 skjálftar þar á sólarhring; flestir undir 1,0 að stærð.
Síðast mældist skjálfti sem var yfir 3,0 stærð þann 13. október og því hefur dregið nokkuð úr virkni miðað við í upphafi hrinunnar; þá mældust meira en 1.000 skjálftar á sólarhring nálægt Keili.
Engin leið er að segja til um hvort virkni taki sig aftur upp á svæðinu, samkvæmt vef Veðurstofunnar.