Móðir í vesturbæ Reykjavíkur, Kolbrún að nafni, varar íbúum við karlmanni sem elti dóttur hennar um nokkurt skeið að kvöldi til. Segir hún í hópnum Vesturbærinn á Facebook að búið er að tilkynna málið til lögreglu en biðlar hún til fólks um að hafa varann á, sé ungt fólk á heimleið í nágrenninu.
Samkvæmt lýsingu er um að ræða skolhærðan karlmann á þrítugsaldri, lágvaxinn en ögn feitlaginn, með ullarhúfu, í ullarpeysu og svörtum buxum.
Í tilkynningu Kolbrúnar segir hún þennan mann hafa elt dóttur hennar frá Ísbúð vesturbæjar og mætti henni úr gagnstæðri átt við göngustíginn hjá Keilugranda við Grandaskóla. Hún segir hún dóttur hennar hafa tekið fljótt til fóta.
„Þegar hún var komin fram hjá honum leit hún aðeins við, sá að hann stoppaði, snéri við og labbaði á eftir henni. Hún fór að ganga hraðar og hann gekk þá hraðar. Henni fannst þetta mjög óþægilegt svo hún byrjaði að hlaupa og þá hljóp hann á eftir henni. Það var ekki langt eftir heim og hún mjög fljót að hlaupa svo hún náði að stinga hann af.
Við vitum að það gætu verið nokkur skólalokapartý í hverfinu og ungt fólk að labba eitt heim,“ skrifar hún.