Rapparinn Eminem – Marshall Bruce Mathers III – fagnar fimmtíu ára afmæli sínu í dag. Óhætt er að segja að Eminem sé ein allra vinsælasti rappari sögunnar; hann kom sér úr fátækrahverfinu í Detroit og alla leið á toppinn á vinsældarlistum með plötunni Infinite sem leit dagsins ljós árið 1996. Eftir það hafa smellirnir verið margir og miklir; segja má að hann og hljómsveitin Beastie Boys hafi sýnt að hvítir gaurar geta líka rappað með stæl.
Eminem er margt til lista lagt; hann er frábær upptökustjóri og vel liðtækur leikari.
Kappinn er ein af söluhæstu tónlistarmönnum sögunnar; áætlað er að Eminem hafi selt yfir 220 milljónir eintaka af plötum sínum – sem er álíka mikið og The Rolling Stones hafa selt á sínum 60 árum í bransanum.
Magnað afrek.
Eminem er maður með skoðanir og alveg óhræddur við að tjá sig um þær í textum sínum; morð, fíkn og nauðganir hafa verið á meðal yrkisefna hans. Hann er samfélagslega þenkjandi og gagnrýninn maður sem hefur margt að segja og kann í raun ekki að þegja; sem betur fer.
Eminem hefur haft mikil áhrif í gegnum tíðina og það er hlustað þegar hann talar eða rappar – það er mark tekið á honum, og verður áfram.
Ljúkum þessu á stuttu textabroti afmælisbarnsins úr laginu Without Me, og segjum líka – Til hamingju!
I’ve created a monster‘Cause nobody wants to see Marshall no moreThey want Shady, I’m chopped liverWell, if you want Shady, this is what I’ll give yaA little bit of weed mixed with some hard liquor …