Glúmur Baldvinsson er einn heitasti aðdáandi stærsta og flottasta liðs knattspyrnusögunnar – Manchester United; sem er lið án hliðstæðu í heimi fótboltans.
Hann var eðlilega svekktur er hans lið tapaði úrslitaleik gegn grönnum sínum úr Manchester City í gær.
Skrifar:
„Í dag (í gær, innskot blm) slokknaði á síðasta kerti lífs míns. Í dag töpuðu dagar lífs míns litum sínum. Síðasti vonarneistinn er slokknaður og myrkrið umlykur mig í einveru og smán og þar með hefi ég ekkert lengur að gefa eða segja.“
Og myrkrið – hyldýpið – er ráðandi; Glúmur veit hins vegar að ef þú starir of lengi ofan í lengi í hyldýpið mun hyldýpið taka upp á því að stara á móti – störukeppni sem enginn vill fara í.
En samt …
„Líf mitt fjarar út og hverfur inní myrkvað op uppruna síns. Einsog háttur er Dúdú fuglsins. Tilgangsleysið og svartnættið er algert. Ég mun ekki skera hár mitt eður skegg eða mæla orð aftur fyrr en Manchester United sigrar aftur heiminn. Þangað til. Gangið á Guðs vegum. Amen.“