Rakel Garðarsdóttir framkvæmdastjóri var í dag sæmd riddarakrossi fyrir framlag sitt til eflingar og vitundar um matarsóun og umhverfismál.
Ásamt henni sæmdi forseti Íslands, Guðni Th. Jóhannesson forseti Íslands þrettán aðra einstaklinga heiðursmerki hinnar íslensku fálkaorðu á Bessastöðum við hátíðlega athöfn í dag.
Hér má sjá lista yfir aðra orðuhafa en Rakel, en óhætt er að segja að á þessum lista kenni ýmissa grasa:
Margrét Kristmannsdóttir framkvæmdastjóri og fyrrverandi varaformaður Samtaka atvinnulífsins, Kópavogi, riddarakross fyrir framlag til íslensks atvinnulífs og opinberrar umræðu
Egill Eðvarðsson kvikmyndagerðarmaður, riddarakross fyrir frumkvöðlastörf í dagskrárgerð fyrir sjónvarp og framlag til íslenskrar kvikmyndagerðar
Felix Valsson svæfingalæknir, riddarakross fyrir forystu við innleiðingu nýrrar tækni á sviði lækninga og framlag til björgunarstarfa.
Dagný Kristjánsdóttir fyrrverandi prófessor, Reykjavík, riddarakross fyrir kennslu og rannsóknir á bókmenntum íslenskra kvenna og barnabókmenntum.
Edda Jónsdóttir myndlistarmaður, riddarakross fyrir forystu um kynningu og miðlun á íslenskri myndlist.
Rósa Björg Jónsdóttir bókasafns- og upplýsingafræðingur var sæmd riddarakrossi fyrir sjálfboðastörf í þágu Móðurmáls, samtaka um tvítyngi.
Lára Stefánsdóttir skólameistari á Ólafsfirði, riddarakross fyrir frumkvæði og nýsköpun á vettvangi framhaldsskóla.
Jón Kristinn Cortez tónlistarkennari og kórstjóri, riddarakross fyrir framlag til kóratónlistar og forystu um útgáfu sönglaga eftir íslensk tónskáld.
Már Guðmundsson hagfræðingur og fyrrverandi seðlabankastjóri, riddarakross fyrir störf í opinbera þágu.