Miðvikudagur 10. ágúst, 2022
9.8 C
Reykjavik

„Er þetta fyrirboði um að allt sé að fara til helvítis?“

Helgarviðtalið

- Auglýsing -

Orðrómur

- Auglýsing -

Ýmis áhugaverð ummæli voru látin falla í viðburðaríkri viku. Hér eru nokkur.

„Landspítali háskólasjúkrahús (LSH) er BRÁÐASJÚKRAHÚS OG KENNSLUSJÚKRAHÚS. Ég er orðin rúmlega langþreytt á því að um hann sé rætt eins og um sé að ræða feitan, illa uppalinn krakka sem endalaust öskrar á meira nammi!“
Aðalheiður Dagmar Mathiesen Matthíasdóttir hjúkrunarfræðingur.

„Nú er kominn tími á samstilltari, djarfari og víðsýnni stjórn, án Sjálfstæðisflokksins, fyrir allt fólkið í landinu og komandi kynslóðir. Stjórn sem leggur alla áherslu á ríkara félagslegt réttlæti og hefur á sama tíma meiri sköpunarkraft, framsýni og hugrekki.“
Logi Einarsson, formaður Samfylkingarinnar, fann ríkisstjórninni flest til foráttu á fyrsta þingfundi ársins.

„Ef ég væri einráður myndi ég ekki leyfa fleiri virkjanir á hálendinu.“
Guðmundur Ingi Guðbrandsson umhverfisráðherra. Frumvarp Guðmundar um hálendisþjóðgarð hefur sætt mikilli gagnrýni úr ólíkum áttum.

„Fram undan eru einhvers konar átök. Fyrir fram má gera ráð fyrir sigri Sjálfstæðisflokksins. Að Vinstri græn kyngi einum kúkamolanum í viðbót.“
Sigurjón M. Egilsson, ritstjóri Miðjunnar, heldur því fram í pistil á midjan.is að svo mikil sé andstaðan við þjóðgarð á hálendinu að stjórnarheimilið leiki á reiðiskjálfi.

„Það er umhugsunarvert að skóla- og frístundaráð Reykjavíkur skuli hafa samþykkt tillögu um að stytta opnunartíma leikskóla, að því er virðist án samtals við þá sem ekki bara nýta sér þjónustu leikskólanna, heldur eru beinlínis háðir þjónustunni.“
Hanna Katrín Friðriksson, þingmaður Viðreisnar.

- Auglýsing -

„Ég hef bara uppi efasemdir um hvert við erum komin sem samfélag.“
Sigurbjörn Björnsson skákmeistari. Tilefni ummælanna er öskurjóga sem líkams- og hugræktarstöðin Primal stóð fyrir í Faxefeni 12. Skáksamband Íslands og Taflélag Reykjavíkur hafa verið þar til húsa um árabil og brá félagsmönnum heldur betur í brún þegar dýrsleg hljóð fóru að berast frá fyrrnefndu námskeiði.

„Ég hugsaði í alvöru: Er að koma heimsendir? Af hverju er ég að sjá þetta? Er þetta fyrirboði um að allt sé að fara til helvítis?“
Alma Mjöll Ólafsdóttir blaðamaður fór ekki leynt með skoðun sína á kvikmyndinni Cats í Lestrarklefanum á RÚV.

„Vildi ekki vera partur af þessum skrípaleik.“
Guðrún Sigurbjörnsdóttir, keppandi í fegurðarsamkeppninni Miss Global sem fór fram í Mexíkó um síðustu helgi. Guðrúnu og öðrum þátttakendum var af öryggisástæðum ráðlagt að flýja landið vegna spillingarmála sem komu upp í keppninni.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -