Föstudagur 29. mars, 2024
-3.2 C
Reykjavik

1.700 heilbrigðisstarfsmenn smitaðir – sex látnir

VefTv

- Auglýsing -

Hlaðvörp

- Auglýsing -

Kínversk heilbrigðisyfirvöld hafa í fyrsta sinn gefið upp fjölda þeirra heilbrigðisstarfsmanna sem smitast hefur af kórónaveirunni COVID-19. Alls hafa um 1.700 smitast en sex látist. Samkvæmt nýjum tölum hafa 5.000 ný tilvik verið staðfest í landinu síðustu 24 klukkustundirnar og 121 látist af völdum veirunnar.

Fjöldi smitaðra heilbrigðisstarfsmanna jafngildir 3,8% smitaðra í landinu. 1.500 tilfellanna voru greind í héraðinu Hubei, þar af 1.100 í borginni Wuhan, þar sem veiran braust fyrst út. Yfirvöld segja áhyggjuefni hversu margir heilbrigðisstarfsmenn virðast veikjast af veirunni en í Hubei hafa þeir neyðst til að sinna störfum sínum óvarðir, þar sem varnarbúnaður á borð við andlitsgrímur eru af skornum skammti.

Læknar og hjúkrunarfræðingar hafa greint frá því að borða aðeins eina máltíð á drag til að draga úr salernisferðum, í þeim tilgangi að fækka þeim skiptum sem þeir þurfa að verða sér út um nýjan öryggisfatnað.

Þegar SARS faraldurinn gekk yfir 2002 til 2003 greindust 961 heilbrigðisstarfsmaður með veiruna, sem jafngilti 18% allra smitaðra. Um 1% þeirra létust.

Heilbrigðisyfirvöld í Wuhan hafa kallað eftir því að íbúar sem hafa náð sér eftir smit gefi blóð. Vonir eru bundnar við að hægt verði að nota mótefni úr blóðinu til að hjálpa alvarlega veikum. Tilraunir í þessa átt voru gerðar á tíu sjúklingum, sem sýndu töluverðan bata á 24 klukkustundum.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -