Plötusnúðurinn Stephen Boss, sem þekktur er fyrir störf sín í þáttunum Ellen með Ellen DeGeneres, fannst látinn á hótelherbergi, rétt hjá heimili sínu í Los Angeles. Stephen er sagður hafa tekið eigið líf með byssu en þerna á hótelinu kom að líki hans þegar hann yfirgaf herbergið ekki á tilsettum tíma. Vettvangur sjálfsvígsins er sagður hafa verið hræðilegur.
Stephen skilur eftir sig eiginkonu til níu ára en þau fögnuðu brúðkaupsafmæli sínu þremur dögum fyrir harmleikinn. Saman eiga þau þrjú börn, 14, 6 og 3 ára. Hann starfaði með Ellen DeGeneres í spjallþáttinum Ellen frá árinu 2014, þar til framleiðlu þáttanna var hætt fyrir nokkrum mánuðum. Stephen lenti í öðru sæti í þáttunum So You Think You Can Dance árið 2008 og sneri aftur í nýjustu seríu þáttanna, þá sem dómari.
Ellen sendi frá sér yfirlýsingu í gær þar sem hún segir Stephen hafa verið hluti af fjölskyldu hennar. „Hjarta mitt er brotið. Hann var fjölskylda mín og ég elskaði hann af öllu hjarta. Ég mun sakna hans.“