Bandaríski leikarinn Ray Liotta er látinn, en hann var 67 ára gamall.
Liotta lést í svefni í Dóminíska lýðveldinu; en þar var hann staddur við tökur á kvikmyndinni Dangerous Waters. Ekki er vitað á þessari stundu hver dánarörsök hans var.
Leikarinn átti að baki langan og flottan kvikmyndaferil í Hollywood og átti auðvelt með að bregða sér í allra kvikinda líki; allt frá ljúfmennum upp í harðsvíraða glæpamenn.
Ray Liotta lék í tæplega 90 kvikmyndum á ferli sínum sem spannaði ein 40 ár.
Hann er er hvað þekktastur fyrir hlutverk sitt sem glæpamaðurinn Henry Hill í kvikmyndinni Goodfellas í leikstjórn Martin Scorsese; en myndin var frumsýnd árið 1990 og þykir með þeim allra bestu glæpamyndum kvikmyndasögunnar.
Liotta fæddist í New Jersey þann 18. desember árið 1954 og lést fyr í dag.
Æska hans var erfið, en var yfirgefinn á munaðarleysingjaheimili þar til hann var ættleiddur aðeins sex mánaða gamall; hann hlaut Golden Globe tilnefningu árið 1986 fyrir hlutverk sitt í kvikmyndinni Something Wild; fór síðan með aðalhlutverkið í Field of Dreams árið 1989, rétt áður en hann landaði hlutverkinu í Goodfellas, sem gerði hann að heimsfrægum leikara.
Ray Liotta lætur eftir sig unnustu og dóttur. Blessuð sé minning hans.