• Orðrómur

Banna Ana De Armas að mæta með Ben Affleck á Bond-frumsýningu

Helgarviðtalið

- Auglýsing -

Orðrómur

- Auglýsing -

Framleiðendur nýjustu James Bond kvikmyndarinnar, No Time To Die, eru sagðir hafa bannað einni stjörnu myndarinnar, Ana De Armas, að mæta með kærastann sinn, Ben Affleck, á fyrirhugaða frumsýningu hennar í London þann 12. nóvember. Breska götublaðið Mirror hefur eftir heimildarmönnum innan raða framleiðslufyrirtækis myndarinnar að framleiðendurnir óttist að mæting Ana og Bens saman á rauða dregilinn myndi draga athyglina frá öðrum stjörnum myndarinnar, einkum Daniel Craig, og eftir eilífar frestanir á frumsýningunni sé það áhætta sem þeir vilji ekki taka.

Ana og Ben hafa verið eitt umtalaðasta parið í Hollywood undanfarna mánuði og hafa einmitt hvað eftir annað vakið athygli fyrir að láta vel hvort að öðru fyrir framan myndavélar blaðaljósmyndara, fara í gamnislag úti á götu og kyssast meðan bæði voru með grímu, allt til að draga að sér athygli eftir því sem framleiðendur myndarinnar telja.

No time To Die er orðin dýrasta Bond-mynd allra tíma, ekki síst vegna sífelldra frestana á því að hægt væri að frumsýna hana. Upphaflega átti frumsýningin að fara fram í nóvember 2019, síðan í febrúar 2020 og enn og aftur var tilkynnt um fyrirhugaðan frumsýningardag í apríl á þessu ári, en kórónaveirufaraldurinn hefur sett feitt strik í reikninginn og kannski eðlilegt að framleiðendur vilji að myndin fái athygli sem síðasta myndin þar sem Daniel Craig leikur njósnarann, ekki fyrir uppátæki Ana og Bens á rauða dreglinum.

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Nýtt í dag

Mest lesið í vikunni

Í fréttum er þetta helst...

- Auglýsing -