2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

„Bara annað okkar er að segja satt“

Virginia Giuffre, konan sem hefur ásakað Andrew hertoga af York um að hafa nauðgað sér þegar hún var 17 ára, biðlar til bresku þjóðarinnar um að standa með sér og senda þau skilaboð að gjörðir hans séu ekki í lagi.

Þetta kemur fram í viðtali sem Giuffre veitti breska þættinum Panorama en þar segir hún að Ghislaine Maxwell, náin vinur Jeffrey Epstein, hafi gert henni að stunda kynlíf með Andrew. Epstein tók eigið líf í fangelsi í Bandaríkjunum í ágúst sl.

Í viðtalinu lýsir Giuffre því m.a. hversu ógeðfellt henni þótti að dansa við hertogann en hún hafi viljað gera Epstein og Maxwell til geðs. Í bíl á leið heim af næturklúbb hafi Maxwell sagt við hana að hún þyrfti að gera það fyrir Andrew sem hún gerði fyrir Epstein og að í kjölfarið á því hafi hún stundað kynlíf með hertoganum heima hjá Maxwell.

Andrew hefur gefið í skyn að myndin sé fölsuð

AUGLÝSING


Viðtalið við Giuffre var tekið upp áður en Andrew veitti Newsnight afar umdeilt viðtal og svarar því ekki því sem fram kom þar. Hún ítrekaði þó við Panorama að hún stæði við frásögn sína,

Í fyrrnefndu Newsnight viðtali þvertók hertoginn fyrir að kannast við Giuffre og gaf í skyn að mynd sem sýnir þau saman væri fölsuð.

„Hann veit hvað gerðist. Ég veit hvað gerðist. Og bara annað okkar er að segja satt,“ sagði Giuffre við Panorama. „Þetat er ekki einhver sóðaleg kynlífsfrásögn. Þetta er saga um mansal.“

Ekki missa af þessum

Annað áhugavert efni

Nýjast á Mannlíf.is

Nýjast á Gestgjafanum