2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Fréttastofa BBC frestar fyrirhuguðum uppsögnum á 450 starfsmönnum

Í janúar tilkynnti fréttastofa BBC að 450 starfsmönnum yrði sagt upp á næstunni vegna sparnaðaráforma en í gær tilkynnti Tony Hall, útvarpsstjóri BBC, starfsmönnum að öllum áformum um uppsagnir hefði verið frestað vegna þess mikla álags sem fylgdi fréttaflutningi af kórónaveirufaraldrinum í heiminum.

„Við verðum að halda áfram með þessa vinnu, sem þið leysið svo frábærlega af hendi,“ sagði Hall í ávarpi til starfsmanna í gær. Um uppsagnirnar fyrirhuguðu sagði hann: „Það væri óviðeigandi. Við höfum ekki tök á að halda þessum fyrirætlunum til streitu í augnablikinu, þannig að þær verða að bíða betri tíma.“

Nokkrir fastir dagskrárliðir fréttastofunnar, svo sem Politics Live og Victoria Derbyshire, hafa verið teknir af dagskrá tímabundið til að skapa meira pláss fyrir umfjöllunina um heimsfaraldurinn.

Uppsagnirnar áttu að vera liður í því að ná markmiði um sparnað upp á áttatíu milljónir punda fyrir árið 2022 en í ljósi ástandsins hafa þær áætlanir verið settar á ís í bili.

Lestu meira

Annað áhugavert efni

Nýjast á Mannlíf.is

Nýjast á Gestgjafanum