Ástralskur íþróttakennari, Katie Smith, var dæmd í þriggja ára og tíu mánaða fangelsi fyrir misnotkun á barni árið 2020 en gengur nú laus eftir rúmt ár í fangelsi.
Mál Katie er sérstaklega óhugnalegt en hún tældi 14 ára nemanda sinn í marga mánuði, vann sér inn traust hans og misnotaði hann tvisvar. Í fyrra skiptið braut hún á barninu innan veggja skólans. Einnig sendi hún drengnum nektarmyndir og kynferðisleg myndbönd á samskiptaforritinu Snapchat.
Katie sagði honum að hann myndi lenda í vandræðum ef hann héldi þessu ekki leyndu.
Þann 14.febrúar árið 2019 handtók lögregla Katie á heimili hennar, hún tók þá upp á því að hringja í þolanda sinn og leita vorkunnar. Hún sagði drengnum ítrekað að eyða númerinu sínu og segja ekki orð, annars myndi hann lenda í vandræðum.
Fyrir dómi sagðist Katie hafa verið að leita að viðurkenningu eftir erfiðleika í hjónabandi hennar, hún vildi að „einhver kallaði hana fallega.“
Eftir að nektarmyndir sem hún sendi þolandanum fóru í dreifingu í skólanum hætti hún öllum samskiptum. Í kjölfarið sagði drengurinn móður sinni frá misnotkuninni og leitaði hún til lögreglu.