Það er ótrúlegt hvað getur komið upp í flugvélum en fáir áttu von á því í flugi Southwest á mánudaginn að kona klæddi sig úr fötunum og lét öllum illum látum.

Atvikið kom upp þegar flugvélin var stödd á William P. Hobby flugvellinum í Houston í Texas og á myndbandi sem birst hefur úr flugvélinni má heyra í konunni öskra öðrum farþegum til mikillar undrunar.

Lögreglan í Houston kom og fjarlægði konuna og fór með hana á sjúkrahús þar sem hún var metin af læknum en ekkert liggur fyrir um af hverju konan klæddi sig úr. Henni var svo sleppt í framhaldinu og hefur ekki verið ákærð að svo stöddu.

Flugfélagið hefur hingað til ekki viljað tjáð sig um atburðinn.