2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Neitar að mæta í meðferð án Trump

Nelson Gibson hefur neitað að mæta að mæta í lífsnauðsynlega meðferð. Ástæðan: Jú, hann fær ekki að mæta með pappalíkneski af Donald Trump í fullri stærð með sér.

Gibson, sem er nýrnasjúklingur, þarf reglulega að gangast undir himnuskiljun til að halda heilsu. Hann er mikill aðdáandi Bandaríkjaforseta og tók með sér mynd af honum í fyrstu meðferðirnar, þar til sonur hans fótósjoppaði lítið pappalíkneski fyrir hann að hafa hjá sér.

Starfsfólk meðferðarstöðvarinnar gerði engar athugasemdir við sérvisku Gibson þar til hann mætti á dögunum með annað pappalíkneski með sér, í þetta sinn í fullri stærð. Honum var tjáð að hann þyrfti að skilja Trump eftir heima.

 

AUGLÝSING


Ástæðurnar sem hann hefur fengið gefnar upp eru m.a. að sjúklingar megi ekki hafa neitt með sér í margra klukkustunda meðferðina sem getur hamlað starfsmönnum að sinna verkum sínum né mögulega valdið sýkingarhættu.

Fjölskylda Gibson segir forsetalíkanið hins vegar andlegan stuðning við Gibson; áminningu um að Trump vaki yfir honum en forsetinn sagði í stefnuræðu sinni fyrr í mánuðinum að hann hygðist bæta þjónustu við nýrnasjúka. „Hann trúir því að Guð hafi fært honum Trump til að hjálpa honum á þessari vegferð,“ sagði sonur hans í samtali við fjölmiðla.

Ástvinir Gibson segjast vissulega hafa áhyggjur af heilsu hans en vilja freista þess að fá meðferðarstöðina til að breyta ákvörðun sinni. Gibson vonast til að ná athygli forsetans.

Washington Post sagði frá.

Lestu meira

Annað áhugavert efni

Nýjast á Mannlíf.is

Nýjast á Gestgjafanum