Leikfangaframleiðandinn Mattel hefur hafið framleiðslu á Barbie dúkkum með Down‘s heilkenni. Þykir þetta brjóta blað í sögu fyrirtækisins enda er dúkkan sú fyrsta sem á að vera með andlega fötlun. Framleiðandinn hannaði dúkkuna í samvinnu við Down‘s félag Bandaríkjanna.
Mattel gaf fyrst út Barbie dúkku með fötlun árið 1997 þegar „Share a Smile Becky“ kom á markað en hún var í hjólastól. Árið 2016 gaf Mattel út línu af dúkkum að mismunandi vaxtarlagi en áður hafði dúkkan einungis verið hávaxin og mittisgrönn. Fyrirtækið hefur lengi verið gagnrýnt fyrir að hafa neikvæð áhrif á líkamsýmind ungra stúlkna með óraunsærri líkamsbyggingu Barbie dúkkunnar.
Mattel hóf auglýsinga samstarf við bresku fyrirsætuna Ellie Goldstein en hún er sjálf með Down‘s heilkenni.
„Ég er svo glöð að þessu dúkka sé komin á markaðinn. Fjölbreytileikinn er svo mikilvægur, fólk verður að sjá aðra sem eru eins og ég. Við viljum ekki vera falin frá alheiminum,“ sagði Ellie.