Miðvikudagur 27. mars, 2024
4.8 C
Reykjavik

Nýjar upplýsingar um hvarf X Factor-stjörnu: „Ég veit ekki hverju ég á að trúa lengur“

VefTv

- Auglýsing -

Hlaðvörp

- Auglýsing -

Lögreglan hefur gefið upplýsingar um leit sína að X Factor stjörnunni Levi Davis sem týndist fyrir sjö mánuðum.

Levi Davis

Levi, 24 ára rugby-leikmaður, týndist þann 29 október eftir að hann yfirgaf Bretland og ferðaðist einn síns liðs til Barcelona á Spáni. Hann sást síðast á lífi á öryggismyndavél þar sem hann sést yfirgefa bar í borginni.

Móðirin leitar svara

Lögreglan sagði móður hans, Julie, að fjórir starfsmenn skemmtiferðaskips hafi séð einhvern í sjónum, öskra á hjálp á ensku, aðeins um klukkutíma eftir að hann sást á myndskeiðinu, um klukkan hálf sjö að morgni. Sögðu þau manninn hafa verið klæddan í ljósan bol, líkur þeim sem Levi klæddist.

Levi og móðir hans Julie

Björgunarhring var kastað í sjóinn en hvorki lögreglan né Landhelgisgæslan fann nokkurn mann í sjónum.

Nú eru kafarar lögreglunnar að leita að vísbendingum um Levi en þeir hafa eitt síðustu 15 dögum í leit við höfnina í Barcelona. Gerir lögreglan ráð fyrir því að leitin muni taka upp undir mánuð.

Lögreglufulltrúar sögðu að þeir séu enn að safna sönnunargögnum í leit sinni en hingað til hefur hún einungis fundið vegabréf Levi, sem fannst 20 dögum eftir hvarf hans.

Móðir Levi, Julie Davis, ferðaðist til Barcelona í apríl til að feta í fótspor sonar síns, ef svo má að orði komast en rannsakendur hafa sagt henni að þeir telji að hann hafi drukknað.

Julie sagði í apríl: „Af hverju eru þessar upplýsingar um áhöfn skemmtiferðaskips að koma núna, mánuðum seinna? Ég veit ekki hverju ég á að trúa lengur.“ Segir móðirin að enn sé mörgum spurningum ósvarað en að hún sé orðin afar vonsvikin yfir skort á svörum lögreglu.

- Auglýsing -

Bætti hún við: „Það sem sönnunargögnin benda til eru ekki góðar fréttir en án líks er bara engin leið til að vita hvað hefur gerst.“

Sló í gegn í X Factor

Levi kom fram í X Factor árið 2019 sem partur af söng tríóinu Try Star en hann lék einnig rugby fyrir Bath.

Try Star

Hið skyndilega hvarf hans, eftir að hann yfirgaf vini sína til að ferðast með báti, hefur leitt til ýmissa kenninga en móðir hans hefur meðal annars haldið því fram að hann hefði verið kúgaður fjárhagslega.

Levi birti myndband rétt áður en hann týndist þar sem hann sagðist vera skotmark eftir að „vafasamar “ljósmyndir voru teknar af honum. Í febrúar sagði spænska lögreglan að Levi hefði látið sig hverfa sjálfviljugur en sagði svo móður hans að henn hefði líklega drukknað.

Móðir hans sagði að Levi hefði verið að jafna sig eftir liðbandameiðsl og hafi verið dapur og því ákveðið að ferðast til útlanda til að „hreinsa hugann“.

Mirror fjallaði um málið.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -