2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Segjast hafa gleymt sér

Það vakti mikla athygli þegar hjónin Jay-Z og Beyoncé sátu kyrr í sætum sínum þegar söngkonan Demi Lovato söng þjóðsöng Bandaríkjanna á Of­ur­skál­inni, úr­slita­leik NFL-deild­ar­inn­ar í banda­rísk­um fót­bolta, á sunnudaginn en venjan er sú fólk standi upp þegar þjóðsöngurinn er fluttur.

Myndband sem sýndi hjónin sitja í sætum sínum yfir þjóðsöngnum fór sem eldur um sinu á samfélagsmiðlum. Margir vildu meina að um þögul mótmæli hefði verið að ræða hjá hjónunum. Aðrir sögðu að hroki og yfirlæti væri ástæðan fyrir að þau stóðu ekki upp.

Jay-Z segir að þetta sé misskilningur og að þau hafi einfaldlega gleymt sér yfir flutningi Lovato. Þetta kemur fram í frétt BBC.

Jay-Z útskýrði málið þegar hann hélt fyrirlestur við Columbia-háskólann í gær. Þar hélt hann því fram að þau hjón hefðu gleymt að standa upp.

AUGLÝSING


Demi Lovato söng þjóðsönginn á Ofurskálinni. Mynd / EPA

„Við vorum að ræða um hvað hún liti vel út og hversu vel hún hljómaði,“ sagði Jay-Z meðal annars.

Jay-Z greindi þá frá því að hann hefði komið að framleiðslu tónlistaratriðanna á Ofurskálinni og hefði einnig verið að velta fyrir sér hljómgæðum.

Lestu meira

Annað áhugavert efni

Nýjast á Mannlíf.is

Nýjast á Gestgjafanum