Singapúr mun afnema lög sem gera kynlíf milli karla refsivert. LGBTQ hópar hafa lýst ákvörðuninni sem „sigri fyrir mannkynið“.
Í þjóðarávarpi á sunnudag sagði forsætisráðherrann, Lee Hsien Loong, að afnám hegningarlaganna myndi samræma lögin við núverandi félagsleg viðhorf og „veita samkynhneigðum Singapúrbúum smá léttir“. Hins vegar bætti Lee við að stjórnvöld vildu ekki „heildarbreytingar á samfélaginu“, þar með talið breytingar á skilgreiningu hjónabands. „Jafnvel þegar við fellum úr gildi lögin munum við halda uppi og standa vörð um hjónabandið. Samkvæmt lögum er hjónaband aðeins milli eins karls og einnar konu viðurkennd í Singapúr,“ sagði hann.
Í sameiginlegri yfirlýsingu, tuttugu og tveggja LGBTQ+ hópa, kemur fram að öll mótmælin hafi loks borgað sig. Um sé að ræða löngu tímabæran áfanga þar sem að mismunun eigi ekki heima í Singapúr.