Skotárás var gerð í jarðlestakerfinu í Brooklyn í New York í morgun. Fjöldi fólks var þá á leið til vinnu sinnar en 16 voru fluttir á sjúkrahús eftir árásina.
Mynd: The Guardian skjáskot
Að sögn The Guardian urðu að minnsta kosti 10 af þeim 16 sem flutt voru á sjúkrahús, fyrir byssukúlum í árásinni. Aðrir slösuðust í troðningnum sem myndaðist við árásina sem og reykeitrun en árásarmaðurinn beitti reyksprengjum í árásinni. Leit hófst af skotmanninum en honum var lýst sem þreknum manni, dökkur á hörund, og um 1,68 metrar á hæð. Var hann klæddur í grænt vesti sem iðnaðarmenn nota gjarnan, grárri hettupeysu sem og gasgrímu. Flúði hann af vettvangi eftir árásina og hefur hann ekki enn fundist.
Mynd: The Guardian skjáskot
Alríkislögreglan FBI, tekur þátt í rannsókn málsins en enn er ekki útilokað að um hryðjuverkaárás hafi verið að ræða.
Haft er eftir borgarstjóra New York borgar, Eric Adams, að þetta verður ekki látið viðgangast. „Við munum ekki leyfa það að New York búum sé ógnað, ekki einu sinni af einstaklingi.“