Fimmtudagur 28. mars, 2024
1.8 C
Reykjavik

„Sýndarkrá“ slær í gegn á Facebook

VefTv

- Auglýsing -

Hlaðvörp

- Auglýsing -

Kráin, eða pöbbinn, er stór þáttur í lífi flestra Breta og margir óttuðust leiðindi og félagslega einangrun eftir að Boris Johnson, forsætisráðherra, skipaði öllum krám, veitingahúsum og kaffihúsum að loka síðastliðinn föstudag. Hugmyndaríkur kráareigandi dó þó ekki ráðalaus og opnaði „sýndarkrá“ á Facebook þar sem fram fara tónleikar, „pöbbkviss“ í anda Drekktu betur, og uppistandarar og fleiri skemmtiatriði eru í boði. Svör við spurningum í kvissinu og viðbrögð við uppákomum skemmtikraftanna eru send í gegnum kommentakerfi síðunnar.

Kráareigandinn, Jo Bowtell, segir að hún hafi stofnað Facebook-síðuna til að safna fólki saman og gera því kleift að skemmta sér með öðrum þótt það sæti heima. Viðbrögðin hafa verið góð og eftir tæpa viku í loftinu hefur „sýndarkráin“ eignast 5.500 fastagesti sem keppast við að senda inn myndir af því hvernig þeir skapa kráarstemningu heima hjá sér, svara spurningum pöbbkvissins, tjá sig um frammistöðu þeirra sem troða upp og svo framvegis.

„Þetta er breski andinn,“ segir Tara Simms, ein þeirra sem troða upp á kránni. „Að halda hressleikanum og gera það besta úr stöðunni.“

Þeir sem áhuga hafa á að skemmta sér með breskum kráargestum geta kíkt á Facebook-síðu krárinnar og kynnt sér málið.

 

 

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -