Föstudagur 29. mars, 2024
-0.2 C
Reykjavik

„Það eru einhver undarleg öfl þarna að verki“

VefTv

- Auglýsing -

Hlaðvörp

- Auglýsing -

Óhætt er að segja að nokkrar sleggjur hafi fallið í vikunni. Hér eru ýmis eftirminnileg ummæli.

„Þessi stefnubreyting Bandaríkjamanna og boðaðar hernaðaraðgerðir Tyrkja gegn Kúrdum á sýrlensku yfirráðasvæði eru mjög slæm tíðindi. Bæði tel ég nokkuð einsýnt að slíkar aðgerðir muni hafa gríðarleg áhrif á almenna borgara. Ekki er heldur útilokað að slíkar aðgerðir geti leyst hryðjuverkasamtökin sem kenna sig við íslamskt ríki aftur úr læðingi.“
Katrín Jakobsdóttir forsætisráðherra segir boðaðar hernaðaraðgerðir Tyrkja gegn Kúrdum á sýrlensku yfirráðasvæði vera slæm tíðindi.

„Nei, frú dómsmálaráðherra. Það er ekki rétt sem haft var eftir þér við upphaf embættissetu þinnar að Ísland framfylgi mannúðlegri stefnu í málefnum flóttafólks.“
Helga Vala Helgadóttir, þingmaður Samfylkingar, segir íslensk stjórnvöld brjóta á lagaskyldum í garð flóttafólks.

„Það eru einhver undarleg öfl þarna að verki.“
Drífa Snædal, forseti ASÍ, um fjárhagsfall Gamma fjárfestingarsjóðs.

„Davíð eyðilagði Sjálfstæðisflokkinn sem fjöldahreyfingu, hann eyðilagði skattkerfi, félagslega húsnæðiskerfið, einkavæddi bankanna með ömurlegum afleiðingum, kallaði Hrunið yfir þjóðina með afglöpum sínum, svo fátt eitt sé nefnt. Ef stjórnmálafólk vill rata út úr þeirri blindgötu sem Davíð dró þjóðina inn í ætti það að spyrja sig í hverju máli: Hvað myndi Davíð gera? Og gera svo það gagnstæða.“
Gunnar Smári Egilsson, sósíalistaforingi og athafnamaður, fer ófögrum orðum um Davíð Oddsson, ritstjóra Morgunblaðsins.

„Í dag er ég frjáls og get farið hvert sem er á meðan íslensk stjórnvöld ræna mig ekki lífeyrissparnaðinum mínum en það eru mínar helstu áhyggjur eins og er.“
Anna Kristjánsdóttir, fyrrverandi vélstýra, fékk nóg af háu verðlagi á Íslandi og flutti til Tenerife.

„Maður gerir sér alveg grein fyrir því að maður er ekki að fara að lifa af launum eitthvað langt fram í tímann. Maður getur ekki tekið eitthvað eitt tímabil í Taílandi og komið moldaður heim. Þetta er svona aðeins öðruvísi veruleiki sem við búum við.“
Elín Metta Jensen, landsliðskona í fótbolta og læknanemi, segir að leikmenn í kvennaboltanum geti ekki lifað á laununum á sama hátt og karlarnir.

- Auglýsing -

„Íslendingar dansa ekki eftir takti – þeir dansa eftir textum.“
Páll Óskar um frammistöðu landsmanna á dansgólfinu.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -