Þessum löndum er spáð efstu sætunum í Eurovision

Úkraínu er enn spáð sigri í Söngvakeppni evr­ópskra sjón­varps­stöðva sem fer fram á Ítalíu þann 14. maí næst­kom­andi. Samkvæmt erlendum veð­bönkum er Ítalíu spáð öðru sæt­inu og Svíþjóð því þriðja en spáin getur þó breyst með skömmum fyr­ir­vara.

Bret­landi er spáð fjórða sæt­inu. Það verða að telj­ast gleði­fréttir fyrir breta, sem höfn­uðu í síð­asta sæti, án stiga í fyrra. Írar hafa sigrað keppn­ina oft­ast, alls sjö sinnum, en þar á eftir er Svíþjóð, með sex sigra. Ísland er ekki ofar­lega á lista enn sem komið er og situr í 32. sæti á lista veð­bank­anna.