Bandaríski þingmaðurinn frá Illinois, Sean Casten syrgir nú fráfall 17 ára dóttur sinnar, Gwen sem lést fyrr í vikunni. Eonline.com segir frá málinu í dag.
„Þennan morgun lést Gwen, ástkær dóttir Castens þingmanns,“ sagði í tilkynningu frá skrifstofu þingmannsins þann 13. júní. „Casten fjölskyldan biður um næði og mun ekki gefa frá sér frekari athugasemdir á þessum átakalega tíma.“
Ekki hefur dánarorsökin verið gefin upp enn sem komið er.
Gwen útskrifaðist frá Downers Grove North High School menntaskólanum í maí og ætlaði sér að stunda nám í háskólanu í Vermont í haust þar sem hún ætlaði að stunda nám í umhverfisvísindum, samkvæmt Instagram-reikningi hennar. Eftir fráfall hennar gaf valdeflingaklúbburinn sem hún stofnaði í menntaskóla sínum og stjórnaði, frá sér nokkur falleg orð um hana á Instagram og sagði hana hafa verið „elskaða af öllum.“
„Það fæst ekki lýst með orðum hversu mikið við söknum hennar,“ stóð ennfremur í færslunni. „Hún var svo elskuð og áhrif henna mun lifa að eilífu innan samfélags okkar. Þakka þér Gwen fyrir allt sem þú hefur gert til að hafa áhrifa á líf okkar og fylla það af ást á jákvæðni. Í þér bjó sannarlega frumkraftur. Við munum sakna þín.“
Fyrr á þessu ári kom Gwen fram í kosningamyndskeiði föður síns og studdi föður sinn í að komast á þing þriðja kjörtímabilið fyrir Demókrataflokkinn. Í myndbandinu talar Gwen um að á árinu verði hún 18 ára og að 2022 verði stórt ár og „fullt af tímamótum, til dæmis fyrsta kosningin mín.“
Þingmaðurinn á einnig 15 ára dótturina Aubrey, ásamt konu sinni Kara.