Alpha Stone Mitchell hefur fengið titilinn sem þriðji stærsti nýburi Bretlands en hann var tæp sjö kíló við fæðingu. Drengurinn fæddist þann 28.október í fyrra og var tekinn með keisaraskurði. Hann er nú fimm mánaða og búinn að ná 18 mánaða stóru systur sinni í stærð.
Móðir barnsins, Cherrall Mitchell segist hafa borðað mikið af hafragraut á meðgöngunni og telur það hafa spilað inn í stærð barnsins.
Alpha er nú tæp ellefu kíló og notar föt sem ætluð eru níu til tólf mánaða börnum, þrátt fyrir að vera ekki orðinn sex mánaða.
Foreldrum hans grunaði að hann yrði stór enda var Cherral með gríðarlega stóra kúlu en þeim datt ekki til hugar að barnið myndi ná þessari stærð. Móðirin segir drenginn hafa sleppt nýburskeiðinu og verið strax eins og þriggja mánaða barn. Hann er heilbrigður og glaður strákur, þrátt fyrir þessa gífurlegu stærð.