- Auglýsing -
Ein vinsælasta hljómsveit allra tíma, ABBA, mun senda frá sér tvö ný lög „einhvern tímann á þessu ári“, samkvæmt upplýsingum Björns Ulvaeus í viðtali við CNBC sjónvarpsstöðina fyrir skömmu. Lögin voru hljóðrituð árið 2018 og segir Björn að stemningin í stúdíóinu hafi verið frábær og eftir nokkrar mínútur hafi öllum fjórum meðlimum hljómsveitarinnar liðið eins og þau hefðu verið saman í stúdíói „í gær“.
Nýju lögin munu heita I Still Have Faith in You og Don’t Shut Me Down en það er nánast það eina sem um þau er vitað. ABBA hefur ekki sent frá sér nýja tónlist síðan árið 1983 þegar Thank You for the Music var gefið út svo það eru eflaust margir orðnir langeygir eftir nýju efni frá sveitinni.