Föstudagur 29. mars, 2024
4.8 C
Reykjavik

Vinsælustu spjallþættirnir útiloka áhorfendur

VefTv

- Auglýsing -

Hlaðvörp

- Auglýsing -

Ýmsir af frægustu spjallþáttum í bandarísku sjónvarpi verða teknir upp án áhorfenda í salnum á meðan Covid-19 kórónaveirufaraldurinn gengur yfir. Nú síðast tilkynntu framleiðendur spjallþáttar Ellen DeGeneres að ekki yrði lengur unnt að hafa áhorfendur í salnum við upptökur þáttarins, en áður höfðu framleiðendur ýmssa annarra þátta með frægum stjórnendum sent frá sér sams konar tilkynningar.

Meðal þeirra sem nú munu dæla út bröndurum sínum án nokkurra áhorfenda til að hlæja að þeim eru Jimmy Fallon, Stephen Colbert, Seth Myers, Trevor Noah og John Oliver, en þættir allra þessara háðfugla njóta gríðarlegra vinsælda.

Framleiðslufyrirtæki Ellenar, Telepictures, sagði í tilkynningunni að enginn í upptökuteyminu hefði greinst með kórónaveiruna en ákvörðunin um að hleypa engum áhorfendum í salinn hefði verið tekin vegna örra breytinga á framgangi kórónaveirunnar sem veldur Covid-19.

„Þessi tímabundna aðgerð verður endurskoðuð reglulega og mun ekki hafa áhrif á framleiðslu þáttanna,“ segir í tilkynningu Telepictures, sem BBC vitnar í á vef sínum.

Nú hafa 1.135 einstaklingar greinst með Covid-19 í Bandaríkjunum og 38 hafa látist af völdum sjúkdómsins.

 

- Auglýsing -

 

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -