Fimmtudagur 28. mars, 2024
-1.2 C
Reykjavik

Eru þetta vanþakklátustu börn landsins? Landsmenn orðlausir yfir frekju og leti fullorðins fólks

VefTv

- Auglýsing -

Hlaðvörp

- Auglýsing -

Tíst Theodórs Inga nokkurs hefur slegið í gegn á Twitter í dag. Þar vekur hann athygli á raunum aldraðrar konu sem leitar á náðir Smartlandsins, nánar tiltekið fastan lið þar sem lesendur geta nafnlaust spurt lögmanninn Elínu Sigrúnu Jóns­dótt­ur  um ráð. Í bréfi konunnar má sjá að sjaldan launar kálfurinn ofeldið en þar segir:

„Við hjón­in erum að flytja úr stóru ein­býl­is­húsi sem við höf­um búið í síðastliðin 28 ár. Nú erum við bara tvö eft­ir en þrjú börn okk­ar ásamt hluta af barna­börn­um bjuggu hjá okk­ur lengst af. Við erum að fara í mun minni íbúð með ákveðinni þjón­ustu þar sem við þurf­um ekki að sjá um garð eða gera neitt sem við treyst­um okk­ur ekki leng­ur til. Börn­in eru ósátt við að æsku­heim­ili þeirra sé selt og ekki er al­menni­legt sam­komu­lag um hver fær hvað af inn­bú­inu þegar við flytj­um. Við erum því með nokkr­ar spurn­ing­ar til þín sem okk­ur þætti vænt um að fá svör við.“

Börnin neita svo að hjálpa foreldrum sínum við að flytja. „Börn­in eru upp­tek­in og treysta sér ekki til þess að hjálpa okk­ur við flutn­ing­inn og vin­ir okk­ar eru orðnir fótafún­ir og geta því ekki aðstoðað,“ lýsir konan. Svona láta börnin þrátt fyrir að þau hjón ætli að gefa þeim „töluvert af verðmæt­m málverkum og listmunum ásamt húsgögnum sem eru verulega verðmæt en ekki er pláss fyrir í nýrri íbúð.“

Tíst Theodórs er stutt og laggott en hefur nú fengið hundruð læka, sem telst nokkuð gott. „Kæru hjón sem eruð að leita ráða. Börnin ykkar eru frek og löt. Sennilega er það eitt af börnum þessara hjóna sem gat ekki drullast til að halda sig í sóttkví.“

Allir deila þessari skoðun með honum í athugasemdum. „Eitthvað hefur mistekist í uppeldinu. Ég myndi selja dótið og spandera peningunum. Ekki skilja eftir grænan eyri,“ segir Ásdís nokkur. Önnur kona segist fá í hjartað við að lesa þetta:

„Þetta eru svona fullorðin börn sem setja mömmu og pabba sem fyrst á elliheimilið, fá arfinn muuuun fyrr líka eflaust og heimsækja foreldra sína aldrei !! Þvílík framkoma við foreldra sína!! Ojjj, fæ bara í hjartað og væri sjálf til í að hjálpa hjónunum við fluttningaundirbúning!

- Auglýsing -

Einn maður segir svo þessi börn ekki eiga skilið neitt í arf. „Sjaldan launar kálfurinn ofeldið. Og þarna sannast það kýrskýrt. Krakkarnir ykkar eru frekar og latar forréttindaskitur og eiga ekkert gott skilið. Seljið búslóðina í gegnum gallerí og uppboð – og notið aurinn til að chilla á Kanarí!“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -