Miðvikudagur 27. mars, 2024
4.8 C
Reykjavik

Fauk í Jóhann að lesa níð um Bubba: „Hann hefur bjargað mörgum mannslífum“

VefTv

- Auglýsing -

Hlaðvörp

- Auglýsing -

Leikarinn Jóhann Sigurðarson, sem ekki er þekktur fyrir að láta gamminn geysa á samfélagsmiðlum, segist ekki geta orða bundist eftir að hafa lesið pistil Brynjars Níelssonar þar sem hann hraunaði yfir Bubba. Brynjar sagði þurfa fyrirtæki eins og Samherja til að geta greitt Bubba „hálfa milljón á mánuði í heiðursskyni til æviloka“.

Jóhann segir að heiðurslaun Bubba séu smotterí miðað við allt það sem Bubbi hefur gefið þjóðinni. Bubbi hafi bjargað lífum og ávallt borgað skatta hér á landi. „Það fauk dálítið í mig við að lesa það sem Brynjar Nílsson alþingismaður lét frá sér fara varðandi Bubba Morthens. Samanburðurinn á framlagi til þjóðarinnar var merkilegur. Við Brynjar vil ég segja: Framlag Bubba til menningar og lista í þau rúm fjörutíu ár sem hann hefur starfað eru ómetanleg og erfitt að meta það allt til fjár,“ skrifar Jóhann.

Hann segir áhrif Bubba gífurleg á íslenskt samfélag. „Hann hefur verið í fararbroddi í texta og lagasmíð og haft gríðarleg áhrif til góðs á samfélagið. Hann hefur bjargað mörgum mannslífum til að mynda með sinni framgöngu. Hann yrkir á íslensku uppúr rótum sinnar þjóðar, eins og Halldór Laxness gerði. Hann hefur haft djúp áhrif á ýmsa tónlistarmenn, samferðamenn, og aðra listamenn Hann hefur greitt sína skatta á Íslandi alla tíð sem er eftirtektarvert,“ segir Jóhann.

Svo eru ónefnd áhrif hans á hagkerfið, vilji menn horfa til þess. „Hann hefur selt fleiri miða á tónleika en nokkur annar tónlistarmaður íslenskur. Margfeldisáhrif þess eru gríðarleg. Bubbi M er stórfyritæki. Hann hefur skapað vinnu fyrir ótrúlegan fjölda af fólki og allt þetta fólk greiðir sína skatta á Íslandi, sem er til eftirbreytni. Til dæmis er uppselt á 30 sýningar á söngleiknum Níu líf í Borgarleikhúsinu núna þetta árið hvað sem síðar verður,“ segir Jóhann.

Hann segir að lokum að það sé fyrir neðan virðingu Brynjars að skrifa svona um Bubba. „Þú skalt líka átta þig á því Brynjar að flokkurinn sem þú ert í, fær gríðarlega fjármuni frá fyrirtækjum og einsaklingum svo þú getir verið í vinnunni. Þó listamaður eins og Bubbi þiggi heiðurslaun um nokkura ára skeið eftir ævistarfið er það smotterí miðað við margt annað, ef grannt er skoðað. Mér finnst það fyrir neðan þína virðingu að viðra óhreina tauið á þennan hátt háttvirtur þingmaður.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -