Ráðstefna verður haldin á fimmtudaginn um notkun reiðufjár í verslun og þjónustu External Inbox.
Ráðstefna um notkun reiðufjár í verslun og þjónustu fer fram í fimmtudaginn næstkomandi 1. júní á Grand Hótel frá klukkan 9-11 en hún er haldin af Samtökum fjármálafyrirtækja og Samtökum verslunar og þjónustu.
Bengt Nilervall, sérfræðingur hjá Svensk Handel, mun halda erindi um reynslu Svía, sem hafa þótt leiðandi á þessu sviði; þar í landi er fjöldi verslana og veitingastaða hætt að taka við reiðufé; reiðufé er almennt ekki afgreitt hjá gjaldkera í bönkum.
Gunnar Jakobsson, varaseðlabankastjóri fjármálastöðugleika, mun fara yfir hvernig málið horfir við Seðlabankanum og í kjölfarið verða pallborðsumræður; þar munu Ásta Fjeldsted, forstjóri Festi, Lilja Björk Einarsdóttir, bankastjóri Landsbankans, Margrét Kristmannsdóttir, framkvæmdastjóri Pfaff og Sigríður Björk Guðjónsdóttir ríkislögreglustjóri ræða málið út frá sjónarhóli fjármálastofnana, verslunar og lögregluyfirvalda.
Kemur fram að á málinu eru ýmsir fletir; til að mynda tengdu öryggi í viðskiptum, og vaxandi kröfum um eftirlit með peningaþvætti. Framkvæma á sérstaka áreiðanleikakönnun ef greitt er með yfir 10 þúsund evrum (um 1,5 milljónir króna) í viðskiptum og tilkynna slíkt til lögreglu ef grunsemdir vakna.