• Orðrómur

„Fólk er greinilega að taka mark á viðvörunum og bregðast við“

Efnisorð

Deila

- Auglýsing -

Björgunarsveitir hafa sinnt um 200 verkefnum á landsvísu í dag vegna óveðursins sem nú gengur yfir landið. Þetta segir Davíð Már Bjarnason upplýsingafulltrúi Landsbjargar í samtali við Mannlíf.

„Þetta var rólegt framan af en svo tók veðrið að versna, aðallega á Norðurlandi; í Skagafirði og við Tröllaskaga og töluvert meira í Eyjafirði en spár sögðu upphaflega til um,“ segir Davíð Már og tekur fram að flest útköllin hafi verið á Norðurlandi.

„Seinni partinn hefur svo mætt svolítið á Suðurnesjum. Þar hefur orðið töluvert af tjóni, þakklæðningar losnað og lausamunir fokið.“

- Auglýsing -

Spurður út í stöðuna á höfuðborgarsvæðinu segir Davíð Már að eitthvað hafi verið um útköll í Reykjavík núna seinni part dags. „Það eru mjög fáir á ferðinni í Reykjavík,“ segir hann. „Fólk er greinilega að taka mark á viðvörunum og bregðast við og það hjálpar óneitanlega til.“

Þess má geta að viðbúnaðarstig var hækkað af óvissustigi yfir á hættustig almannavarna vegna óveðurs á Vestfjörðum, Norðurlandi vestra og Norðurlandi eystra. Hægt er að fylgjast með framvindu mála á heimasíðu Veðurstofu Íslands.

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 
- Auglýsing -

Orðrómur

Helgarviðtalið

Lestu meira

Nýtt í dag

Í fréttum er þetta helst...

Mest lesið í vikunni

- Auglýsing -