2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Fólk hvatt til að taka með sér eigin ílát

Þeim sem vilja draga úr plastnotkun er bent á að taka með sér eigin ílát í innkaupaferðir.

Í tilkynningu sem birtist á vef Matvælastofnunar er fólk hvatt til þess að taka með sér eigin ílát og umbúðir í innkaupaferðir til að draga úr plastnotkun.

„Mikil vitundarvakning hefur orðið um mikilvægi þess að draga úr plastnotkun, ekki síst hvað varðar umbúðaplast. Hægt er að draga úr notkun einnota umbúða m.a. með sölu á matvörum án umbúða og með því að neytendur komi með eigin ílát í verslun undir þau matvæli sem ekki eru þegar innpökkuð,“ segir meðal annars á vef MAST.

Þá er vísað í skýrslu MAST, sem gefin var út 20. nóvember. Í skýrslunni er að finna góð ráð fyrir neytendur sem vilja draga út plastnotkun með því að nota eigin ílát í innkaupaferðum.

Þar segir: „Ílátið skal vera ætlað undir matvæli. Það skal vera úr efni sem auðvelt er að þrífa (plasti, gleri, leir eða málmi). Auðvelt skal vera að loka því og ef á að kaupa hráar kjötvörur eða fisk er sérstaklega mikilvægt að lokið sé þétt. Ílátið skal vera hreint og þurrt að utan sem innan og það lokað við komuna í verslunina. Einnig má nota poka að heiman undir grænmeti, ávexti og brauð sem selt er í lausu.“

Ekki missa af þessum

Annað áhugavert efni

Nýjast á Mannlíf.is