2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Forsætisráðherra setur alþjóðlega ráðstefnu um #metoo

Í dag kl. 14.30 mun Katrín Jakobsdóttir, forsætisráðherra, setja alþjóðlega ráðstefnu um #metoo í Hörpu, ráðstefnan hefst með lykilerindum og umræðum norræna ráðherra jafnréttismála.

Nú í haust verða tvö ár liðin frá því að #metoo-bylgjan hófst haustið 2017 þegar konur um allan heim greindu frá kynferðislegu ofbeldi og kynbundinni og kynferðislegri áreitni. Ráðstefnan er liður í formennsku Íslands í Norrænu ráðherranefndinni og er skipulögð í samvinnu við RIKK – rannsóknastofnun í jafnréttisfræðum við Háskóla Íslands.

Á fyrsta degi ráðstefnunnar, sem stendur til 19. september, mun meðal annars verða sagt frá tillögum óbirtrar skýrslu UN WOMEN undir yfirskriftinni What will it take? Promoting Cultural Change to End Sexual Harassment. Í skýrslunni eru greindar þær breytingar sem taldar eru nauðsynlegar í kjölfar #metoo byltingarnar, bæði formlegar breytingar og samfélagslegar.

Fjallað verður um niðurstöður viðamikillar rannsóknar á umfangi kynferðislegrar áreitni, kynbundinnar áreitni eða ofbeldis auk eineltis á íslenskum vinnumarkaði sem unnin var að frumkvæði Ásmundar Einars Daðasonar, félags- og barnamálaráðherra. Þá mun Angela Davis, prófessor og rithöfundur, flytja lykilerindi um áhrif #metoo hreyfingarinnar.

Yfir 800 manns hafa skráð sig til þátttöku á ráðstefnunni og er hún því með stærri ráðstefnum um #metoo sem haldin hefur verið. Um áttatíu fyrirlesarar taka þátt í ráðstefnunni úr röðum fræðafólks, aktívista, stjórnmálamanna og sérfræðinga. Roxane Gay, Liz Kelly, Marai Larasi og Cynthia Enloe eru meðal þeirra heimsfrægu fyrirlesara sem taka til máls á ráðstefnunni.

AUGLÝSING


Heimasíða ráðstefnunnar.

 

 

 

Ekki missa af þessum

Annað áhugavert efni

Nýjast á Mannlíf.is