„Fyrir tveimur vikum sýndi ég ykkur að upphandleggsvöðvinn virkaði. Ég var að spenna vöðvann örlítið en það framkallaði enga hreyfingu. Núna, þegar ég er í sundlauginni, get ég ef ég spenni upphandleggsvöðvann, framkallað hreyfingu á framhandleggnum,“ segir Guðmundur Felix Grétarsson. Hann segir að þetta séu ef til vill ekki miklar framfarir en bætir svo við að miðað við það að annar einstaklingur hafi notað þessa sömu handleggi fyrir fimm mánuðum, sé það frekar frábært.
Guðmundur Felix sem gekkst undir handleggjaígræðslu þann 12. janúar á þessu ári eða fyrir fimm mánuðum er hægt og rólega að ná framförum. Hér má nálgast myndbandið á Instagram reikningi Guðmundar Felix. Hann ávarpar fylgjendur sína á ensku.