2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Fyrirtæki orðin algeng skotmörk

Tölvuglæpir og nettengd afbrot af margvíslegu tagi hafa færst mjög í aukana undnafarin ár. Valdimar Óskarsson, sérfræðingur í tölvuöryggi, segir marga netglæpi beinast að fyritækjum.

„Ég myndi telja að við séum að sjá fleiri glæpi sem er beint að fyrirtækjum, þ.e. þar sem fyrirtækin eru skotmörk. Óprúttnir aðilar komast inn fyrir varnir, fylgjast með daglegri vinnslu áður en þeir slá til. Svona aðilar sjá til þess að aðgerðir þeirra séu illrekjanlegar,“ segir Valdimar Óskarsson, framkvæmdastjóri Syndis, sem sérhæfir sig í tölvuöryggi í samtali við Mannlíf.

Aðspurður um hverjir séu líklegastir til að falla fyrir svikum á Netinu, þ.e. hvort einhverjir ákveðnir markhópar séu til fyrir slíka tölvuþrjóta segi Valdimar að það fari eftir eðli tölvuglæpsins. „Dulkóðun gagna þar sem greiða þarf gjald til að fá gögnin aftur er oft beint að einstaklingum en getur einnig haft áhrif á fyrirtæki.

Svokölluð framkvæmdastjóra- eða fjármálastjórasvik er oftast beint að fyrirtækjum og þau eru skipulögð. Þeim er hægt að verjast, að hluta til með betri auðkenningu og verklagi en það eru til ýmsar aðferðir til að blekkja starfsfólk þar sem óværu er komið í tölvu notanda og óprúttinn aðili nær yfirráðum tölvunnar,“ segir hann.

Valdimar leggur áherslu á mikilvægi þess að hafa góðar atburðaskráningar (e. logga) til að geta rannsakað atvik sem koma upp. „Og geta fullvissað sig um að ekki séu aðrar tölvur smitaðar sömu óværu þar sem óprúttni aðilinn bíður færis á að slá til aftur.“

Ekki missa af þessum

Annað áhugavert efni

Nýjast á Mannlíf.is