• Orðrómur

Gallup kannar traust til Róberts Wessman meðal þjóðarinnar

Efnisorð

Deila

- Auglýsing -

Undanfarna daga hefur Gallup kannað hug þjóðarinnar til Róberts Wessman, forstjóra Alvogen og Alvotech fyrirtækjanna. Mikið hefur gustað um hann undanfarnar vikur eða frá því uppljóstrari innan fyrirtækjanna steig fram og upplýsti um ósæmilega hegðun forstjórans.

Róbert sendi háttsettum stjórnendum í lyfjafyrirtækinu Actavis morðhótanir í janúar 2016. Í fjölda textaskilaboða er þeim og fjölskyldum þeirra hótað lífláti, auk fjölda annarra óviðeigandi skilaboða.

Halldór Kristmannsson, einn nánasti samstarfsmaður Róberts til 18 ára, steig fram og greindi frá morðhótunum og meintum líkamsárásum Róberts gagnvart samstarfsmönnum undir áhrifum áfengis. Auk þess segir Halldór að Róbert hafi beitt hann óeðlilegum þrýstingi til að koma höggi á óvildarmenn sína. Meðal annarra Harald Johannessen, fyrrum ríkislögreglustjóra, og Pál Winkel fangelsismálastjóra.

- Auglýsing -

Halldór hefur lýsti því yfir að hann telji Róbert það hættulegan að hann réð öryggisvörð til að gæta fjölskyldu sinnar.

Sjá einnig: Halldór höfuðkúpubrotnaði og réð öryggisvörð fyrir börnin: „Ekki auðvelt að skylmast við Róbert“

- Auglýsing -

Róbert auglýsir kampavínið á Facebook. Í dag má sjá þessa auglýsingu en athygli vekur að lítið er orðið eftir í flöskunni.

Ásakanir á hendur Róberti um fólskulega stjórnunarhætti koma á viðkvæmum tíma fyrir fyrirtækin sem hann stýrir. Samkvæmt fréttum hefur rekstur Alvogen nefnilega ekki gengið sem skyldi. Í lok síðasta mánaðar breytti láns­hæf­is­mats­fyr­ir­tækið Moo­dy’s horf­um Al­vo­gen í Banda­ríkj­un­um úr stöðugum í nei­kvæðar. Vegna viðkvæmrar stöðu þá má Alvogen/Alvotech því illa við því að lenda í hringiðju hneykslismála.

Nú er svo komið að Gallup kannar traust þjóðarinnar til Róberts og fyrirtækja hans. Spurningarnar sem þjóðin er beðin að svara eru eftirfarandi:

  • Hversu eftirsóknarvert telur þú að sé að starfa hjá eftirfarandi fyrirtækjum? 
  • Hvað er það fyrsta sem þér dettur í hug þegar þú hugsasr um eftirfarandi fyrirtæki? 
  • Hversu vel eða illa þekkir þú til eftirfarandi stjórnanda? 
  • Hversu jákvæð(ur eða neikvæð(ur) ert þú gagnvart eftirfarandi stjórnanda? 
  • Hversu mikið eða lítið traust berð þú til eftirfarandi stjórnanda? 
- Auglýsing -

Þrátt fyrir smá mótvind undanfarið heldur Róbert aftur á móti áfram að auglýsa kampavínið sem hann framleiðir, Wessman n. 1. Það framleiðir hann úr hinum glæsilega kastala sínum í Bergerace í Frakklandi en í honum má meðal annars finna 25 herbergi, líkamsræktarsal og innisundlaug.

 

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 
- Auglýsing -

Orðrómur

Helgarviðtalið

Lestu meira

Nýtt í dag

Í fréttum er þetta helst...

Mest lesið í vikunni

- Auglýsing -