Gífurlegur verðmunur á klippingum – VERÐKÖNNUN – Fjölskyldan getur sparað 17 þúsund á mánuði

Eftir Svövu Kristínu Sveinbjörnsdóttur

Vísitölufjölskyldan þarf að greiða 50 prósent meira fyrir klippingu á dýrustu hárgreiðslustofunni en þeirri ódýrustu. Mannlíf kannaði verð á 50 hárgreiðslustofum þar sem hinn mikli verðmunur kom í ljós. Sú dýrasta var Salon VEH í Kringlunni en ódýrust var Hárhornið á Hverfisgötu. Á flestum stofum var hárþvottur innifalinn í verði klippingarinnar, en þar sem hann var ekki innifalinn kom í ljós að verðmunurinn var 80 prósent á honum.

Verð á klippingu fyrir börn og fullorðna hefur mikið verið í umræðunni. Það líður vart sá dagur að ekki sjáist umræða af einhverju tagi um málefnið á samfélagsmiðlum. Þar má oftar en ekki sjá yfirlýsingar þess efnis að fólk annað hvort hafi hreinlega ekki efni á því að fara með börnin sín, fara sjálft eða fólk bara kærir sig ekki um að borga það háa verð sem sett er upp.

Nauðsynlegt er að hárgreiðslustofur skoði hvort ekki sé kominn tími á að breyta þessari háu verðlagningu.

Annað sem vert er að minnast á er það að mikið er um að klipping er boðin ódýrari í heimahúsum, svart. Margir nýta sér það í auknum mæli. Auðvitað fetta stofueigendur og aðrir fagmenn fingur út í þetta, skiljanlega. Samt mætti skoða hvernig hægt væri að sporna við þessari þróun. Lækka mætti verð og gera fleirum þannig kleift að mæta á stofu, bjóða fjölskyldutilboð, barnatilboð og þar fram eftir götunum. Það hlýtur líka að teljast kostur í rekstri að fólk haldi áfram að koma reglulega og nýjir viðskiptavinir bætast við. Það gerist þegar verði er stillt í hóf og er sanngjarnt fyrir alla aðila.

Nauðsynlegt er að hárgreiðslustofur skoði hvort ekki sé kominn tími á að breyta þessari háu verðlagningu, þar sem það á við. Það getur vart talist eðlilegt að svo mikill munur sé á sömu þjónustunni. Ekki er hægt að sleppa því að minnast á að vilji neytenda er skýr varðandi það að sjá kynjaskiptingu þegar verðlagt er afnumda. Enda má nú segja að það sé löngu úrhelt og bara ekki viðeigandi. Einungis þrjár stofur greina ekki á milli kynja þegar kemur að verðlagningu af þeim 50 sem kannaðar voru.

Enn fremur þurfa nánast allar stofur að fara að hugsa til þess að neytendur vilja sjá verð á netinu í stað þess að þurfa að hringja út um borg og bý til þess að fá uppgefin verð. Það hlýtur einnig að vera þeirra hagur þar sem yfirleitt er greinilega verið að svara í símann á hlaupum og ekki sjálfgefið að sá sem svarar, geti gefið réttar verðupplýsingar.

Það var mjög áberandi þegar hringt var á sumar stofurnar að verið var að trufla, verðin voru ekki alltaf á hreinu, svörin um það bil þetta mikið kom oft fyrir að ógleymdri ókurteisi frá einstaka viðmælendum, nokkuð sem á ekki að eiga sér stað. Viðbrögðin voru misgóð við spurningunum og jafnvel neitað um umbeðnar upplýsingar. Tekið skal fram að greinahöfundur hringdi eins og hver annar viðskiptavinur en kynnti sig ekki sérstaklega né tilganginn með því að spyrja um verð, enda á það að vera hið sjálfsagðasta mál að fá verð uppgefin. Ókurteisin var þó vonandi undantekning frekar en regla. Það er á kristaltæru að hér má gera mikið betur við neytendur og er vonin sú að það verði rauninn í allra nánustu framtíð.

Miðað var við hjón (konu og karl) og 5 og 11 ára börn. Bæði konan og karlinn fengu sér nýja klippingu og reiknað var því með verði samkvæmt því. Ekki var reiknaður þvottur þar sem hann kostaði aukalega.

Verð fyrir klippingu:

Miðað var við hjón (konu og karl) og 5 og 11 ára börn. Bæði konan og karlinn fengu sér nýja klippingu og reiknað var því með verði samkvæmt því. Ekki var reiknaður þvottur þar sem hann kostaði aukalega.

Texti: Svava Kristín Sveinbjörnsdóttir.