Gilbert Sigurðsson er fastur í Kólumbíu. Upphaflega ætlaði hann að dvelja þar í þrjá mánuði og kom til landsins í janúar 2020. Hann hefur gert ótal tilraunir til að komast til Íslands án árangurs. Gilbert hefur eytt um 800 þúsund krónum í flugferðir og lítur á það sem glatað fé, en mörg flugfélög sem Gilbert hefur átt viðskipti við hafa farið á hausinn vegna COVID.
Gilbert á tvö stálpuð börn sem hann saknar mikið og segir aðskilnaðinn gífurlega erfiðan og hefur hann einnig haft áhrif á börn hans. Hann tjáir sig um raunir sínar í samtali við DV.
„Ég á inneignir hjá mörgum flugfélögum en til að púsla saman mínu ferðalagi til Íslands þá eru það alltaf 3 til 5 dagar á leiðinni heim því ég þarf að taka Covid-test í sumum löndum,“ segir Gilbert í samtali við DV og bætir við:
„Ég get þá ekki stigið upp í flugvél án þess að taka test, verð þá að fara út af flugvellinum og á spítala til að taka covid-test til þess að komast áfram. Þetta er bara hryllingur.“
Hér má lesa viðtal DV við Gilbert í heild sinni.