Glúmur Baldvinsson ritaði nýverið að Helga Vala Helgadóttir væri leiðinlegasti pólitíkus landsins.
Hann segir það hafa verið mistök og vill hann biðja Helgu Völu afsökunar.
Segir:
„Það er með trega í hjarta og tár í hvarmi sem ég rita eftirfarandi afsökunarbeiðni til Helgu Völu.
Ég hef aðeins íhugað þennan pistil minn og að vandlega hugsuðu máli vil ég biðjast afsökunar. Mér var ungum kennt af ömmu og mömmu að tala ekki illa um aðra. Ég hljóp þarna á mig.“
Heldur áfram:
„Ástæðan er sú að fyrir nokkrum árum talaði Helga Vala niðrandi til mín í bloggi og kallaði mig Glúminn. Slíkt fyrirgef ég seint. En það er galli minn.
Helga Vala er greind kona og er það óumdeilt. Ekki sú skemmtilegasta en alls ekki sú leiðinlegasta. Hún vill eflaust vel.“
Segir að endingu:
„En það er eitthvað hrokafullt við manneskju sem uppnefnir annað fólk. Ég heiti Glúmur en ekki Glúmurinn einsog hún kallaði mig. Þess vegna biðst ég einvörðungu afsökunar á að hafa kallað hana leiðinlegasta þingmann Íslands. Það er hún ekki. Hún er fjórði leiðinlegasti þingmaður Íslands og sá allra hrokafyllsti.
Næstum því jafn hrokafull og èg sjálfur. Með vinsemd og virðingu, Glúmur.“
