Glúmur Baldvinsson, oddviti Frjálslynda lýðræðisflokksins hefur farið óhefðbundnar leiðir í kosningabaráttu sinni og sumum hefur upplifað hann sem ferskan blæ í annars daufa kosningabaráttu. Glúmur og Guðmundur Franklín Jónsson hafa verið á kosningaferðalagi um landið að undanförnu sem þeir kalla „Á grænu ljósi“ en Glúmur sagði nýlega á Facebook frá einum fundinum sem hann sótti á þessu ferðalagi sínu, „mætti á enn einn leiðinda fundinn í dag og var spurður að því hvað ég ætlaði að gera fyrir lífríkið á Íslandi.“
Viðbrögð Glúms voru sérstök, „ég næstum gubbaði og sagði: Ekki neitt.“ Sagði Glúmur að því svari hafi ekki verið tekið vel af fundargestum. „En ég spurði sjálfan mig, hvurju í andskotanum ætti ég að ljúga núna?“ Bætti hann svo við „og svarið var einfalt. Alls ekki neitt. Hvur er ég sosem til að gera eitthvað fyrir lífríkið? Ég er ekki Framsóknarflokkurinn.“
Jakob Bjarnar Grétarsson, blaðamaður og meðlimur hafnfirsku hljómsveitarinnar Kátir piltar er ánægður með Glúm en hann skrifaði eftirfarandi athugasemd við færsluna; „Með því betra sem sést hefur frá frambjóðanda í komandi kosningum.“