Hátt í 500 prósenta aukning varð á tilkynningum um ofbeldisbrot hjá íþróttafélögum höfuðborgarinnar á þessu ári í samanburði fyrir árið í fyrra. Það sem af er ári hafa 43 tilkynningar borist Íþróttabandalagi Reykjavíkur, ÍBR, á meðan tilkynningarnar voru 9 allt árið í fyrra.
Sé litið til ársins 2019 er um að ræða nærri 1.100 prósenta aukningu á tilkynningum vegna ofbeldismála. Það ár rötuðu 4 ofbeldistilkynningar inn á borð ÍBR.
Birta Björnsdóttir, verkefnastjóri janfréttis- og ofbeldismála hjá ÍBR, hefur tilkynnt alvarlegustu málin, ýmist til lögreglu eða barnaverndar. Öll íþróttafélög borgarinnar heyra undir bandalagið en þar á bæ hefur ekki verið greint hvernig ofbeldismálin skiptast niður á mismunandi íþróttagreinar.
Sundurliðun ÍBR um tegund ofbeldismála á árinu:
| Fjöldi mála eftir tegund 2021 | ||
| Andlegt ofbeldi | 13 | 30% |
| Líkamlegt ofbeldi | 8 | 19% |
| Kynferðislegt ofbeldi | 9 | 21% |
| Kynferðisleg áreitni | 7 | 16% |
| Einelti | 4 | 9% |
| Annað | 2 | 5% |
| 43 | ||
Það sem er flokkað undir ‚annað‘ eru ekki endilega ofbeldismál, heldur geta þau verið til dæmis tilkynning um sjálfsskaða, sjálfsvígshugsanir eða eitthvað annað sem þarfnast fagaðstoðar.
