Fimmtudagur 28. mars, 2024
-0.2 C
Reykjavik

Gríðarlegur liðsstyrkur Grindvíkinga – Bræður sameinaðir

VefTv

- Auglýsing -

Hlaðvörp

- Auglýsing -

Jón Axel Guðmundsson hefur skrifað undir samning við Grindavík og mun leika með félaginu í Subwaydeild karla út þessa leiktíð.

Óhætt er að segja að þetta séu risatíðindi fyrir körfuboltann í Grindavík.

Jón Axel er einn allra besti körfuknattleiksmaður Íslands og er lykilmaður í íslenska landsliðinu.

Jón Axel Guðmundsson.

Jón Axel er 25 ára gamall; hefur leikið í atvinnumennsku í Þýskalandi og Ítalíu undanfarin tvö ár; árin þar á undan var hann í háskólakörfuboltanum hjá Davidson háskólanum, og lék þar við afar góðan orðstír:

„Þetta eru frábær tíðindi fyrir okkur hjá Grindavík að Jón Axel hafi tekið ákvörðun um að spila með okkur í vetur,“ segir Jóhann Þór Ólafsson, þjálfari Grindavíkur, og bætir við:

Jóhann Þór Ólafsson þjálfari Grindvíkinga.

„Jón Axel mun styrkja okkar lið verulega og ég er gífurlega spenntur að vinna með honum. Hann hefur æft með okkur undanfarnar vikur og lítur vel út. Ég held að allir Grindavíkingar séu í skýjunum með að fá Jón Axel aftur heim í Grindavík.“

- Auglýsing -

Núna er Jón Axel kominn með leikheimild; mun spila með liði Grindavíkur í næsta leik gegn Keflavík, sem fram fer í kvöld í Reykjanesbæ.

Til gamans má geta að yngri bróðir Jóns Axels, Bragi, spilar einnig með Grindvíkingum. Bragi er einn allra efnilegasti leikmaður landsins. Verður gaman að fylgjast með bræðrunum og Grindavíkurliðinu í vetur, sem eftir þennan liðsstyrk er til alls líklegt.

- Auglýsing -

 

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -